كيف احمي طفلي من برد الشتاء ؟

|| الاطفال وبرد الشتاء.

كيف احمي طفلي من برد الشتاء ؟

هنتكلم عن شوية حاجات نعملها عشان نحافظ علي اطفالنا من التعرض للاصابه بالانفلونزا (الوقاية خير من العلاج)

|❶| الاستحمام

|| يفضل عدم تجاوز مدة استحمام الطفل من 5 ل 10 دقايق

|| يفضل غسل جسم الطفل اولا ..ثم شعرة
بحيث ميقعدش فترة براسه مبلوله قبل م يلبس

|| الاطفال اقل من 6شهور يفضل الاستحمام بغرفة النوم

|| ناخد بالنا ان لازم نكون مجهزين كل حاجة الطفل جنبنا قبل ما نبدأ نحمية /الشاور
..الشامبوو.البامبرز..الفوطه..الملابس

|| التاكد من ان المكان تهويته محكمه ومفيش اي تيار هوا هيتعرضله الطفل اثناء الاستحمام بحيث تقفلي الشبابيك والابواب كويس جداا

|| التاكد من درجة حرارة المياة قبل البدء ف الاستحمام و انها تكون مناسبه للطفل ..

|| يفضل لو كان استحمام الطفل ليلا قبل النوم ..

|| تدفئة الطفل جيدا بعد الاستحمام وعدم تعرضه لتغير في درجة حرارة الغرفه ..

|| تدفئة اطراف الطفل /ايدة ورجلة / وراسة جيداا

وقبل كل ده لازم ننشف جسم الطفل كويس جداا ونتاكد ان مفيش اي جزء من ملابسه مبلول

|| عدد مرات الاستحمام .. مفيش اي مشكلة لو يوم ويوم النظافه مهمه جدا طالما الجو مناسب وهتتبعي التعليمات كلها … الطفل زية زينا بضبط وبيحتاج ياخد دش عشان يفوق وجسمه يكون مرتاح .. ده غير العرق والجلد الميت الي ممكن يسبب له التهابات لو محافظناش علي نظافته الشخصية دايما
انما لو جو برد كثير .. يبقي مرتين اسبوعيا

|❷| الملابس

| لازم نحافظ علي مناسبة ملابس الطفل للجو … في الوقت الحالي الطفل مفروض يلبس ٣ قطع : 2 بكم و قطعه بنص كم تحت .

| دايما نتاكد ان نلابسه مش مبلوله او مفيش اي تسريب من البامبرز

|| الملابس تكون مناسبة لحجم الطفل بحيث
مينفعش لبس صغير وضيق عليه يكشف منطقة البطن او الضهر او اطرافه تكون مش مدفيه او يبقي خانقه وبيعوق حركته … ومينفعش لبس واسع وكبير عليه بحيث يعرضه للهوا وميكونش مدفيه ..

|| يفضل الملابس القطنية لانها بتدفي الطفل كويس و احنا خارجين بنثقل فوق لبس البيت وما نقلل العدد

|| لو طفلي بيلبس قبعه او بغطي راسه دايما او اغلب الوقت ..يبقي يفضل اتاكد ان الايس كاب مش معرق راسه بحيث اول م اقلعهوله مياخدش برد .. يا اما اخلعه ع مراحل..

|❸| العدوي

مهم جداا احافظ علي طفلي من الاصابه بالبرد عن طريق العدوي

| تقليل اختلاط الطفل بشخص مصاب بالبرد .

|| ممنوع تقبيل الطفل من الفم.. اطلاقا او الوجه عموما لو الشخص مصاب . والافضل بلاش اصلا بسبب مرض #الهيربس

|| المحافظه علي نظافة ادوات الطفل وتعقيمها باستمرار

|| نظافة ملابس الطفل دائما ومراعاة غسل ايدة كل فترة ..

|| عدم تعرض الطفل مباشرة لشخص بيكح او بيعطس … ولو حصل ومتواجد معانا بمكان يبقي الطفل يكون بعيد عنه بمسافه امنه تحمية من رذاذ الفم والانف والمكان يكون جيد التهويه ..

|❹| التغذية والمناعه

|| لو طفلك رضيع اقل من 6 شهور ..
يراعي ان رضعاته تكون منتظمه ومنسيبش الطفل يجوع او نتاخر في معاد رضاعته ..

|| اما لو طفلي ابتدا ياكل ..6 شهور وازيد ..
يراعي الالتزام بتعليمات التغذية السليمه وعدم ادخال اصناف مخالفه لجدول التغذية العمرية ..((ترتيب الاصناف بالشهور))
والابتعاد عن اي مواد صناعية واطعمة يدخلها مواد حافظه

ويفضل الاغذية الطبيعيه تماما .

ــــــــــــــــــــــــــــــــــــــــــــــــ